Apektado si Fernando R. Brandes, sarong paratinda nin taho, na nagtatrabaho nin doble asin nagtitiis nin mas dakulang kasakitan huli sa grabeng init kan panahon na sinasabing epekto kan nagdadangadang na El Niño, na nagpapadepisil sa saiyang pang-aroaldaw na kabuhayan.
Sa intrevista kan Bombo Radyo, sinabi ni Fernando na apwera sa mainit na saldang nagigin dahelan nin marikas na kapagalan, an saiyang mga benta buminagsak ta an mga parabalit kan taho ngonyan mas pinipili an mga malipot na kakanon asin palamig asin iba pang malipot na inomon tanganing mahale an pagkakapaha.
44 na taón na siyang nagtitininda nin taho, asin mahiwas na an saiyang eksperyensya sa mga tinampo, pero prangkang inadmitir ni Fernando na mas masakit an pagtinda ngonyan kumpara sa nakaaging panahon, kan an temperatura sa luwas bako pa arog kaiyan ka-grabe.
Sa ibong kan pagtios asin pagbawas kan kita, habo ni Fernando na madaog kan mga pagsubok na ini. Imbes, nagtatao siya nin sarong nakakapukaw na mensahe nin paglaom sa mga kapwa paratinda na dai magsuko, magtagal sa ibong kan init, asin padagos na maghingoa para sa saindang mga pamilya.
