Pig-omaw ni Cagayan de Oro City 2nd District Rep. Rufus Rodriguez an padusang iginawad kan korte sa tolong kadete ka Philippine Military Academy (PMA) na responsable sa hazing na ikinagadan kan kaibahan ninda na si Darwin Dormitorio kan 2019.
Sa ibong kaini, sinaysay ni Rodriguez na mas marhay kuta kun mapadusahan man magin an PMA officers na direktang responsable sa mapait na pigsapo ni Dormitorio.
Kawsa kaini, pighagad ni Rodriguez ki Armed Forces of the Philippines o AFP Chief Gen. Romeo Brawner na ipauntok an hazing asin mga kaparehong aktibidad sa laog asin luwas kan PMA.
Naglalaom man si Rodriguez na tutupadon ni Brawner an saiyang kamawotan orog na ta maigting man an kampanya kaini kontra sa hazing kan ini pa an PMA commandant of cadets.
