NAGA CITY- Naghupa na an nairehistrong pagbaha sa banwaan nin Labo, Camarines Norte.
Sa entrevista kan Bombo Radyo Naga ki Rey Kenneth Nery Oning, Municipal Councilor kan Labo,Camarines Norte, sinaysay kaini na huli sa mayong untok na pag-uuran na gikan sa Bagyong Wilma asin shearline nag-abot an tubig baha sa daghan kan tawo alagad kasuudma nin pagkahapon tolos man ining naghupa.
Sigun pa ki Oning tuyong igwang kalamidad o nakakaeksperyensiya nin mayong untok na pag-uuran sa saindang lugar laoman soboot an paglangkaw sa lebel kan tubig partikular sa mga nasa low lying areas.
Dugang pa kan opisyal, kasuudma, saindang pig-abisuhan an mga biyahero dapit sa kamugtakan kan mga tinampo orog pa an ruta pasiring Metro Manila.
Katakod kaini, mayo naman nairehistro na stranded na indibidwal asin dae man soboot nagpa-utob nin force evacuation center sa ibong kan mauran na panahon.
Mientrastanto, sa presente makulimlim na panahon an naeeksperyensiyahan sa nasambitan ng lugar asin paramientras na nag-untok an pagbulos kan makusog na pag-uran.
Sa ngunyan, liwat na sanang nagpagirumdom an opisyal sa publiko na magin preparado enkaso igwang kalamidad na magtama sa nasyon.
