Nagtutubod si Senator Erwin Tulfo na dakula an maitatabang sa ekonomiya kun maibabalyo an P36 billion na flood control fund sa Department of Social Welfare and Development (DSWD), partikularmente sa mga programang pangkabuhayan.
Kun an opisyal an hahaputon, tama sana an desisyon kan Presidente na ibalyo sa mga programa para sa mga nagteteos asin mayong kabuhayan an pondo na para sana sa flood control projects.
Pigtawan duon ni Tulfo, Chairman kan Committee on Social Justice, Welfare, and Rural Development, imbes na mapasiring sa bulsa kan mga Department of Public Works and Highways (DPWH) official, contractor, asin politiko an pondo mas marhay na mapasiring na sana ini para sa mga negteteos.
Pigsaysay kan senador na enkaso na sa DSWD an pondo diretso ining mapapasiring sa mga tawo asin dae kakaputan kan mga politiko o siisay man na kontraktor.
Paliwanag ni Tulfo, kun kadakol mga mayong trabaho an matatawan nin tabang dakula an ikakarahay kan ekonomiya sa paaagi kan small business enterprise.
Mawot man ni Presidente Marcos na itagama an DSWD an pondo sa Assistance for Individual in Crisis Situation o AICS asin sa Sustainable Livelihood Program (SLP).
