Mahigot na pinahimutikan ni dating Presidential Spokesperson Atty. Harry Roque na ibinasura o tinuldukan na kan nasyong The Netherlands an aplikasyon kaini nin asylum. Sigun kaya sa nasambitan ng abogado na an proceedings kan asylum kaini an presente pa man na nasa proseso taliwas sa mga nagkukuriyat ngunyan.
Kun saen pigtawan duon kan dating tagapagtaram na mayong ibang pwedeng makakua kan impormasyon manungod sa proseso kaini.
Hurot kaya kaini na sulamenteng Dutch government asin siya mismo an may access sa proceedings kan asylum application nin huli ta igwa nin sinusunod soboot na confidentiality.
Kaya man dara kaini, saiyang pigkonsiderar na an impormasyong nagkukuriyat ngunyan an halimbawa kan fake news o pekeng bareta sana. Mantang sa ibong kan mga isyung ini, pig orgulyo man ni Atty. Harry Roque na saiya ng nakua an National ID gikan sa nasyong The Netherlands.
Huli man digde, igwa na ining magagamit na identity card tangani magsirbing legal proof kan saiyang pagkakabistuhan mantang nagtitinir sa nasambitan ng nasyon.
Si Atty. Harry Roque, dating presidential spokesperson ni former President Duterte an magigirumdumang ipinaaarestar kan hukom sa Pilipinas huli sa kaso kaining may kinaraman sa illegal na operasyon kan POGO sa nasyon.
Saro ini sa nagkapira pang mga dae naarestar kan mga otoridad na may nakabinbing kinakaatubang na mga kaso siring na sana ninda Bureau of Corrections Chief Gerald Bantag, Former Police Lt. Col. Rafaela Dumlao III asin iba pa.
Kaya man an Department of Justice inihayag an pakikipagkoordinar orog na sa hepe kan Philippine National Police na si General Nicolas Torre III tangani dagusan ng madakop an mga pugante.
