NAGA CITY- Pigtawan-duon kan sarong legal practitioner na dapat na sunudon kan mga employer an pagbabayad nin 13th month pay.
Sa entrevista kan Bombo Radyo Naga ki Atty. Rolando Dela Cruz, sarong private law practitioner, sinaysay kaini na dae pwedeng gamit o ano man na groceries an itao sa mga empleyado kan employer.
Alagad piglinaw man ni Dela Cruz na an iba talagang kompanya an nagtatao nin mga goods o groceries alagad dae ini pwedeng i-credits komo 13th month pay.
Dae man soboot pwedeng irason kan kumpanya na nalugi an saindang negonsyo kun kaya dae na mababayadan an mga empleyado kan siring na bayad.
Apwera pa digdi, magin an mga empleyado na nagresign nin biglaan na an dapat paman makaresiber kaini basta nakapagtrabaho na ini nin saro o labing bulan.
