Pigsuhestyon ni Senator Imee Marcos an pagbilog kan Agriculture Commission o AgriCom na matutok sa problema sa paraoma sa nasyon.
Pigtuyaw kaya ni Senator Marcos na mayong kamarhayan an agrikultura puon sa irigasyon, hasta sa pagpapabakal nin bagas asin kalidad kaini.
Apwera digde, kadakol soboot na problema an kinakahampang sa manlaen-laen na sektor kan agrikultura.
Pigtukoy kan senadora na magayon man an programang P20 kada kilo na bagas alagad igwang limitasyon kun anong sektor sana an matatawan asin posibleng dae kayanon kan bilog na Pilipinas na i-subsidize an baratong bagas.
Mas makakatabang ini kun matutukoy an problema sa gabos kan aspeto nin omahan.
Pigrekomendar kan senadora na magkaigwa nin suggested farm gate price, suggested traders price asin suggested retail price tanganing mabantayan an presyuhan siring kan bagas.
