Ipigtuturing kan Palasyo Malacañang na senyales nin magayon na relasyon kan duwang pamilya an pagbisita ni Queen of All Media Kris Aquino asin an saiyang mga aki
Segun kay Palace Press Officer asin Communications Undersecretary Claire Castro, alagad mayo pa suboot ipighihiras na detalye an First Lady manungod sa saindang pag-uulay,nagpapahiling suboot an pabisita ni Kris nin magayon na relasyon kan makaibang lado.
Sinabi ni Castro na nagpubar ining haputon an First Lady manunod sa saindang paghilingan, alagad mayo pa ining tinataong impormasyon.
Dae man malinaw kun ano an pinag ulayan ni Kris asin kan First Lady.
Segun paman, sinabi ni Castro na naging maugma suboot an magkaibang lado sa nasambitang pagbisita.
Kun maghiras an First Lady nin detalye manungod sa saindang pag-uulay, sinabi ni Castro na ihihiras nya man ini sa publiko.
Matatandaang mismong an First Lady Liza Araneta-Marcos an naghiras sa saiyang Facebook page manungod sa pagbisita nina Kris, Josh asin Bimby kaining Domingo, Agosto 9.
Nagdara suboot an mag-iina nin pirang cake para sa First Lady komo sorpresa bago an saiyang kompleaño sa Agosto 21.
Nagpasalamat man an First Lady sa saindang pagbisita.
