Sinabat kan kilos protesta an ginibong pagbisita ni US President Donald Trump sa United Kingdom.
Magkakasuhay na protesta an nangyari sa London asin harani sa Windsor palace an isinagibo.
Nagkapira sa mga protesters an nagsabing pwedeng akuon pa an mga immigrants asin bako si Trump mantang an iba an inapod na racists an US President.
Sigun man sa mga Metropolitan Police sa London na kadaklan sa mga protesters nakauli na.
Sa pag abot ni Trump kaiba an agom na si Melania sinabat ini personal ni King Charles asin Queen Camila kun saen nagkaigwa nin military parade sa Windsor Castle kaiba na an Red Arrows flypast na mahihiling an mga eroplano na nagbubuga nin aso na kolor pula, puti asin asul.
Nagsagibo man nin private meeting si Trump kaiba sinda Prince William asin agom na si Princess of Wales Catherine. Sa aldaw man nin Biyernes, makakaulay ni Trump si British Prime Minister Keir Starmer.
