NAGA CITY- Nagin matuninong an pagbubukas kan klase para sa Academic Year 2025-2026 sa Bicol region.
Sigun ki PRO-5 Director Police Brig. Gen. Andre Dizon, nagpakol sa 2,962 na kapulisan an pig-deployed tanganing mamantinir an kasalbaduhan kan nasa 3,562 pampublikong eskwelahan sa Rehiyon.
Pigsaysay kan opisyal na mayo sindang nareseber na mga problema o mga insidente gikan sa mga munisipalidad asin police stations dapit sa pagbubukas kan klase.
Katakod digde, liwat na pigtawan duon ni Dizon an importansiya kan police presence sa mga eskwelahan para sa kasalbaduhan kan mga estudyante, paratukdo asin kan publiko.
Nag-establisar soboot sinda nin manlaen-laen na public assistance desks tanganing masierto na an kapulisan an tolos na makakapagresponde sa mga manlaen-laen na insidente na pwedeng magbungkaras.
Apwera digde, imamantinir man an deployment kan mga pulis kaibahan an force multipliers tanganing masierto na nasa marhay na kamugtakan an mga kaakian.
Nagbugtak an nasambitan ng hepatura nin nasa 464 Police Assistance Desks (PADs) harani sa entrances kan mga eskwelahan na pigmamanehar kan nasa 1,194 officers.
Mantang 804 officers man an na-assigned sa mga mobile patrols mantang 964 man an nagserbe komo foot patrollers.
Sa ngunyan, pigsierto na sana ni Dizon na padagos an saindang pagmonitor sa mga eskwelahan tanganing tolos na makapagtao nin asistensiya sa mga mangangaipuhan.
