Ipinagpauktaba kan Pre-Trial Chamber I kan International Criminal Court (ICC) an nakatalaang pagdangog para sa confirmation of charges kontra ki dating Presidente Rodrigo Duterte, na orihinal na nakatalaan sa Setyembre 23, 2025.
An desisyon an huli kan kahagadan gikan sa kampo ni Duterte na mapauktaba an pagdangog huli sa saindang pahayag na dae soboot “fit to stand trial” o dae kayang mag-atendir sa paglilitis huli sa kamugtakan kan saiyang salud.
Sigun sa ICC, limitadong postponement an ipinautob tanganing tawan dalan an pagresolbar sa nasambitan ng kahagadan asin iba pang katakod na ulayan.
Dissenting opinion man an iniluwas ni Judge María del Socorro Flores Liera, na tutol sa pagpapauktaba kan pagdangog.
Marurumdumang inarestar si Duterte kan nakalihis na Marso 11, 2025 katakod kan mga kasong crimes against humanity, kaibahan an murder, torture, asin rape na soboot naganap sa irarom kan saiyang pamamayo sa Davao City asin sa panahon kan saiyang administrasyon komo Presidente kan Pilipinas.
Obheto kan confirmation of charges hearing an tanganing matuloy kun igwang bastanteng ebidensiya tanganing idagos an kaso sa trial phase.
Kun nakumpirmar an mga paratang, ibabalyo an kaso sa Trial Chamber para sa pormal na paglilitis.
