Ipinagbawal kan Taiwan an paggamit nin DeepSeek sa gabos nin ahensiya kan gobyerno asin kritikal na imprastruktura.
Sa sarong pahayag, sinaysay kan Taiwan Ministry of Digital Affairs na an DeepSeek AI service an sarong produkto kan China asin posible soboot mailaog sa huma an saindang national information security. Saklaw soboot kan operasyon kaini an cross-border transmission asin information leakage asin iba pang information security concerns.
Enot na digdi, haloy ng inaakusaran kan Taiwan an China na naggagamit ini nin “grey zone” tactics kontra sa sainda kabali na an cyberattacks sa tahaw kan paga-angkin kan higanteng nasyon sa Taiwan komo parte soboot kan saindang teritoryo. An DeepSeek sarong libreng AI-powered chatbot na gibo kan China na naggagana siring kan ChatGPT.
Nakapa-advance ini alagad igwa ining seryosong problema pag-abot sa privacy kan user orog na sa kun pano kaini pigkalap asin pig-titipon an user data.
Kasuarin sana, naireport na ipinagbawal kan US Navy an DeepSeek app sa security asin ethical grounds huli sa mga concern katakod sa pinaggikanan asin gamit kan nasambitan ng AI model.
Pirang mga nasyon na man an nagkuwestiyon sa data practices kan Chinese AI startup kabali na an South Korea, Ireland, France, Australia asin Italy.
