NAGA CITY- Pupunan na saaga an pagkua kan mga ballot boxes gikan sa probinsya kan Camarines Sur na kabale sa gigibuhong recount kan boto para sa Vice Presidential race kan 2016 katakod sa nagpapadagos na pag-urulay kan electoral protest ni dating Sen. Bongbong Marcos laban ki Vice President Leni Robredo.
Sa entrevista kan Bombo Radyo Naga sa Legal Counsel kan Bise Presidente na si Atty. Bernadette Sardillo, sinaysay kaini na nilalaomang sa aldaw nin Byernes matatapos an paghahakot kan mga balota gikan sa probinsya alagad mahalat pa suboot sinda kun nuarin mapupunan an pagbubukas kan mga ini.
Enot digdi, may mga naenot na suboot na mga balotang nakua na kabale man sa recount gikan sa probionsya nin Iloilo asin Negros Oriental.
Nagpapadagos pa man suboot ngunian an decryption kan mga SD cards na nilalaomang matatapos sa bulan nin Pebrero.
Sigon ki Atty. Sardillo, mawot na suboot kan Bicolanang Bise Presidente na matapos an proseso kan electoral protest huli ta dai suboot kaini gustong inaakusaran siyang nandaya kan nakaaging eleksyon urog na sa Camarines Sur kun sain gikan an opisyal.
