NAGA CITY- Pighahandalan ngunian kan Philippine National Police (PNP) an pagigin expose kan mga menor de edad sa iligal na droga urog na an nagtitinir sa minemerar na “Oldest Shabu Tiangge” sa Lucena City.
Sa entrevista kan Bombo Radyo Naga ki P/Supt. Vincent Cabatingan, hepe kan Lucena City PNP, sinaysay kaini na posible suboot na legal an paghiling kan mga kaakian sa paggamit asin pagpabakal nin ilegal na droga urog na ta garo suboot normal na an nasambitan ng transaksyon sa lugar.
Istorya ni Cabatingan, may sarong aki suboot na tulos na nagsumbong sa saiyang magurang makalihis maaraman na pulis an saiyang nakaulay.
Nagpapahiling sana suboot ini na may ideya an mga kaakian na nilalapag kan mga otoridad an mga transaksyon kan iligal na droga.
Meintrastanto, konektado suboot an isla matahimik sa sarong dakulang salog na posibleng ginigibong agihan kan mga drug personaity sa pagdeliver kan mga ilegal na droga sa ibang lugar.
Posible man suboot na igwang mga kontak an mga ini sa mga bangkero kun kaya haloy na panahon antes ining dagos na nalaog kan mga otoridad.
Kun marurmduman, napuli sa haros 15 minutos na riribayan nin putok an operasyon kan mga otoridad sa lugar na nagresulta sa pagkagadan kan duwa katao asin pagkadakop kan 23 na iba pa mantang nakumpiskar man an nasa P120 iligal na droga, mga drug paraphernalia, mga bala asin badil.
