Pigkuwestiyon kan sarong abogadong nagsunad nin reklamo sa Office of the Ombudsman an pagigin parte ni Surigao Del Sur 1st District Rep. Romeo Momo Sr. sa ikukundusir na bicameral conference para sa 2026 national budget.
Pighayag ni Atty. Mary Helen Polinar Zafra an saiyang pagtutol sa pagkakatalaga kaini tanganing makaiba sa nasambitan ng komite.
Ini an kasunod kan saiyang pormal na pagsusunad nin reklamong plunder asin graft sa nasambitan ng lehislador sa pagkakaimbwelto sa soboot katiwalian.
Kaya pangapudan ni Atty. Zafra sa presenteng House Speaker na si Isabela Rep. Faustino “Bojie” De Guzman Dy III na ikonsiderar an mga pigsunad na reklamo sa Ombudsman.
Pigtawan duon kaini na igwa sindang mga ebidensyang magpapatotoo sa saindang alegasyon na kalakip sa pigsunad na ‘graft asin plunder complaints’.
Pigheras pa ni Atty. Zafra an saiyang pagkahadit na enkaso madagos na makaiba si Cong. Momo Sr. sa ikukundusir na pagtiripon.
Ngunyan na aldaw nakatalaan puunan an BICAM o an bicameral conference para sa pag-apruba kan pambansang budget sa taong 2026.
Nag-ugat an mga reklamo sa sinasabing P1.4 billion kantidad kan mga proyektong iginawad kan gobierno sa kumpanyang konektado an mismong pamilya kaini.
Corporate officers sa kumpanyang Surigao La Suerte Corpoaration an mga aki ni Congressman Romeo Momo Sr.
Pira sa mga proyektong na-award sa nasambitan ng kumpanya an flood control projects, farm-to-market roads, asin school buildings.
Apwera pa digde sa nabanggit na lehislador, kaibahan man sa mga pigreklamo an pira sa mga kaparientes kaini pati mga opisyal kan Department of Public Works and Highways asin iba pa.
