NAG CITY- Pigtawan-duon kan sarong konsehal sa siyudad nin Naga an pagkakaigwa nin safe space sa mga kababayehan katakod kan pagpupuon kan selebrasyon kan 2025 National Women’s month.
Sa nagin pagtara-tara ni Gayle Abonal Gomez, City Councilor kan siyudad, sinaysay kaini na antes pa man mag-abot na pagrekongnisar sa mga kababayehan sa manlaen-laen na sektor, dipisil na maray an nagin pakikipaglaban kan mga ini.
Huli digdi, pigtawan-duon ni Gomez na dapat mas kadakol pa an makrear na polisiya tanganing orog pang maproteheran an mga kababayehan.
Siringman, an saindang derechos, padagos na makapagheras nin serbisyo asin suporta. Dugang pa digdi an patas na oportunidad sa trabaho o negosyo.
Sigun pa sa konsehal, dae kaya nagigin empowered an sarong babaye kapag dae kaini namamatean an kasalbadohan sa saiyang kapalibutan. Sa selebrasyon man na ini, kasabay an adbokasiya kan kasalbadohan kan lambang kababayehan.
