NAGA CITY-Baybay na asin bako na sana suboot abo an nagbabagsak ngonyan sa mga apektadong Barangay kan Guinobatan, Albay.
Sa nakuang impormasyon kan Bombo Radyo Naga, napag-araman na garu nag-uuran na nin baybay sa nasambitang banwaan na kasingdakula suboot nin asin o rock salt.
Dawa mainit an panahon, nagsasabay suboot sa duros an paghulog kan mga baybay na mainit-init asin kolor grayish brown na nagpuon na marisa kan mga residente pasado alas-9:30 subagong aga.
Mientrastanto, pigbalyo naman kan mga soldados hale sa 9th Infantry Division Philippine Army an gabos na mga residente hale sa Barangay Muldabucad Grande, Muladbucad Pequenio asin Masarawag sa upperland para masierto na salbado an mga ini.
Maging an mga residenteng nasa evacuation center sa nasambitang mga Barangay pigbalyo naman huli ta labing apektado an mga ini kan padagos na pagbuga nin abo kan bulkan.
Piglunad an mga residente sa military truck para masierto na mayong magmamatagas sa sainda na magtinir sa nasambitang lugar.
