Liwat na pigsierto ni Speaker Ferdinand Martin Romualdez na nakatutok an Kamara de Representantes sa pagkriar kan malalaogan na trabaho sa pagkakaigwa kan nasyon nin seguridad sa pagkakan na iyong primerong pangangaipuhan kan mga Pilipino.
Sigun sa sarong survey, 93% kan mga Pilipino an masuporta sa mga kandidato na nagtataguyod kan mas kadakol na oportunidad sa trabaho asin pagpapakusog kan agrikultura tanganing magdakol an produksiyon kan pagkakan sa nasyon.
Binanggit kan Presidente kan Lakas-Christian Muslim Democrats (CMD) na sa nakalihis na duwang taon, an Kamara an nagtaguyod kan mga ley na nagpatibay sa mga lakdang tanganing mapakusog an sektro kan trabaho kan nasyon.
An Republic Act 11962, o an “Trabaho Para sa Bayan Act,” an nagtatag kan “National Employment Master Plan” na nagkokonektar kan mga kurikulum, pagsasanay, asin apprenticeship sa tunay na pangangaipuhan kan industriya.
Tanganing enkaminaron an darakulang pamumuhunan, pigpasa an RA 11966, o an“Public-Private Partnership Code of 2023,” na nagtipon kan mga magkakaibang PPP rules asin pinarekas an proseso kan pag-aprobar na nagtatao kan matibay na legal na suporta sa darakulang proyektong imprastraktura.
Nagkaigwa nin pag-uswag sa mga trabaho sa digital economy makalihis an pagpasar kan RA 11967, o an “Internet Transactions Act,” na nagtatag kan E-Commerce Bureau tanganing protehiran an online buyers and sellers, asin gibuhong mas propesyonal an e-commerce sa Pilipinas.
Para sa mga lokal na negosyante, an RA 11960, o an “One Town, One Product Philippines Act,” an nagtatag kan mga targeted design, financing asin marketing support tanganing matabangan an mga micro, small asin medium enterprises (MSMEs) na palaguon an saindang negosyo asin magtao nin trabaho sa saindang komunidad.
Sinaysay ni Speaker Romualdez na, kun pinag-iriba an gabos kan ley na ini an nagki-kriar ini nin sarong bilog na ecosystem na nagbubulas nin mask kadakol na oportunidad para sa disenteng trabaho.
Sa hampang kan mga isyu kan seguridad sa pagkakan, pinag-iba kan Kamara an mga panghaluyang reporma asin tulos na tabang.
An RA 11953, o an “New Agrarian Emancipation Act,” an naghahali nin ₱57.56 bilyon na pagkakautang sa land amortization kan 610,054 agrarian-reform beneficiaries na nagtatanom sa 1.17 milyong ektaryang daga.
Ini an nagtao sa mga paraoma nin dugang na pondo para sa mga binhi, pataba, asin makinarya na makakatabang tanganing mapalangkaw an saindang ani.
