Pigkondena ni House Deputy Majority Leader Paolo Ortega V kan La Union an mga kaalyado ni dating Presidente Rodrigo Duterte na piggigibong political circus an paglilitis kan International Criminal Court (ICC) asin naggagamit nin “‘budolterte tactic” tangani sana maribong an publiko.
Pigtawan duon ni Ortega na an ICC ay nakapokus sa mga legal asin aktuwal na urulay, asin mayo soboot lugar sa lehitimong paglilitis na ini an mga political theatrics kan kampo ni Duterte, partikularmente na si dating Executive Secretary Salvador Medialdea.
Sigun pa sa lehislador, orog sana na nagtitibay an akusasyon na mas pig-iinot kan kampo ni Duterte an pagpapahirak sa publiko imbes simbagon an mga lehitimong alegasyon sa kasong pigkakaatubang kaini sa ICC.
Pigpatanidan man ni Ortega na mantang padagos na inililihis kan mga kaalyado ni Duterte an urulay gikan sa mga akusasyon kan crimes against humanity, orog sana nindang pigpapahiling an kakulangan kan saindang tunay na legal na depensa.
Pinahimutikan man kaini an pahayag na an paglilitis sa ICC an sarong pag-atake sa soberanya kan Pilipinas, asin pighurot na dinara an kaso sa korte nin huli ta dae natawan nin hustisya an mga biktima sa irarom kan administrasyong Duterte.
Pig inkaminar pa kan lehislador an kampo ni Duterte na iuntok na an panlilinlang sa publiko asin makipagtabangan sa proseso kan ley.
