Pigkumpirmar ni Senate President Francis “Chiz” Escudero na dae masagibo nin impeachment trial o paglilitis ki Vice President Sara Duterte mantang naka-break an sesyon kan Kongreso.
Sa pulong balitaan, sinaysay ni Escudero na kinakaipohan an plenaryo kan Senado tanganing mapuonan an impeachment court.
Kasuudma, nag-adjourn na an session kan Senado tanganing matawan nin dalan sa paparaning campaign period para sa 2025 national and local elections.
Pigsumiter man kasuudma ni House Secretary General Reginald Velasco ki Senate Secretary General Renato Bantug an article of impeachment kontra ki VP Sara kun saen 215 miyembro kan House of Representatives an nagpabor na patalsikon an bise huli soboot sa pagbalgar sa saligang batas, pagtataksil sa tiwala kan bayan, katiwalaan asin iba pang krimen.
Mabwelta an sesyon kan Kongreso sa Hunyo 2.
