Makalihis an haros apat na taon na pagplano, natawan na nin katupadan sa wakas an an haloy nang pighahagad na unified ticketing system para sa mga turista na magbabakasyon sa Isla kan Boracay kasunod sa paglunsar kan gobyerno probinsiyal kan Aklan kan initiator and partner of pisopay for boracay island pass or IPASS.
Sigun sa negosyanteng si Bong Tirol na obheto kan nasambitan ng inisyatibo na magsirbing online registration para sa environmental fee, registration for terminal fee, asin boat fee kun saen, katuwang kan provincial government an PisoPay sa pagpautob kan iPass na piglalaomang magigin maginhawa an paglayag pabalyo sa isla kan mga local and foreign tourists orog na ngunyan na holiday season an piglalaoman an pagdagsa kan mga bakasyunista.
An PisoPay an makolektar kan P150 para sa terminal fees, P150 para sa environmental fees, asin P50 para sa mga bangka kun saen an mga foreign tourists an sisingilon man kan P300 sa kada environmental fees.
Katakod kaini, pig-enkaminar an mga turista na magpara rehistro muna gamit a PisoPay website kun saen, igwang pirang staff soboot an PisoPay tanganing magtabang sa mga turista sa saindang booth sa Caticlan jetty Port.
Mientrastanto, piglalaoman man na malunsar nin kaparehong application para sa mga residente sa masunod na taon.
