Kumbensido an pamayuhan kan Department of Agriculture na mababawasan an Maximum Suggested Retail Price (MSRO) para sa imported na bagas sa mga masunod na semana.
Sa sarong pahayag, sinabi ni Agriculture Secretary Francisco Tiu Laurel Jr., sa enkaso magin matatag an presyo kan bagas sa World Market, posibleng magbaba pa an presyo kaini per kilo sa P50.
Nilinaw man kan sekretaryo na dae kaiba sa MSRP an Japanese Black Rice, Red Rice, Basmati rice, malagkit na bagas asin mga local harvest na bagas.
Sigun ki Laurel, pigpaplano nindang maibaba an presyo kaini sa P55.00 sa Pebrero 5.
Susunudan ini kan pagbaba sa presyo kan bagas sa Pebrero 15 na mapakol na sana sa P52.00 per kilo. Kun matinir na marhay an pangkinaban na presyo, posibleng sa pagpupuon pa sana kan bulan nin Marcos an maibaba na an maximum suggested retail price sa imported na bagas sa P49.00 per kilo.
