NAGA CITY – Ipigbubusol liwat ni Senator Sherwin Gatchalian an prosopwestong pagpapatindog nin mga evacuation center sa kada siyudad asin munisipalidad sa bilog na nasyon.
Sa Senate Bill 2451 o an prosopwestong Ligtas Pinoy Centers Act na obhetong magpatindog nin mga evacuation center sa kada siyudad asin munisipalidad sa bilog na Pilipinas. An mga nasambitan ng evacuation centers an magsisirbing paramietras na istaran kan mga namamanwaang apektado kan mga sakuna asin kalamidad siring kan pagbaha, bagyo, liog, kasulo asin an pagkuriyat kan anuman na mga helang.
Paliwanag ni Gatchalian, sa paagi kan prosopwesti an malilikayan nang gamiton an mga eskwelahan komo evacuation centers nin huli ta nakakaabala ini sa pagpapadagos kan edukasyon. Tinawan-duon kan Senate Committee on Basic Education Chairman na sa irarom kan Department of Education (DepEd) Order No. 37 dae dapat malagpas sa 15 aldaw an paggamit sa mga eskwelahan komo evacuation center.
Sa irarom kan Ligtas Pinoy Centers Act, pigmamandatong sierto na an mga evacuation centers an magigin matatag sa tahaw kan panlalamasa kan mga linog na may magnitude 8.0 asin mga super typhoon o wind speed na 300 kilometers per hour.
