Nag-aandam na an Solid Waste Management Office kan syudad nin Naga para sa maabot na Semana Santa, kun saen piglalaoman na an pagdagsa kan 2,000 katawo hale sa manlaen-laen na lugar na pwede na makadugang nin mas dakul na basura.
Sa pakikipag-ulay kan Bombo Radyo Naga ki Engr. Joel Martin, Head kan Solid Waste Management Office, sinabi kaini na nagkaigwa sinda nin mga pagtiripon asin pig-adjust an schedule kan saindang mga personahes ngani na magin maray an operasyon.
Andam na an mga dump truck o garbage truck na maghakot nin basura, asin an mga street sweeper ipapadara tanganing mamantinir na malinig an syudad. Apwera pa kaini, padagos an saindang pag-atendir sa mga reklamo manungod sa mga basura na dai nakokolekta, kun sain sa paagi nin personal na pagbisita sa mga residente o sa paagi kan paggamit kan MyNagaApp, kun saen nakatalaan an sarong monitoring team.
Pigtawan- duon man ni Martin na an saindang opisina napreparar na para sa mas diskretong operasyon ngunyan na Semana Santa.
