(UPDATE) NAGA CITY- Paramientras na mayong tinutugutan na magpasiring sa Calaguas Island sa banwaan nin Vinzons, Camarines Norte dara naman kan maraot na kamugtakan kan panahon kan nakaaging aldaw.
Sa entrevista kan Bombo Radyo Naga ki Petty Officer 2 Bobby Camacho, hale sa Philippine Coast Guard (PCG)-Vinzons, sinaysay kaini na mahigot nindang pigmomonitor ngonyan an kamugtakan nin panahon tanganing maaraman kun tutugutan ng makalawod an mga baroto.
Dae suboot tinutugutan na magpasiring an mga turista sa Calaguas Island sa ngonyan huli sa padagos na maraot na kamugtakan nin panahon na namamatean sa nagkapirang parte kan rehiyong Bicol.
Sa suway na pakikipag-olay ki Lt. Anna Rae Naisod, Station Commander kan Philippine Coast Guard (PCG)-Camarines Norte, sinaysay kaini na marhay na an kamugtakan kan labi sa 100 na mga turista na haros duwang aldaw na na-stranded sa isla.
Nagkapirang mga turista an nakabwelta na sa banwaan nin Vinzons makalihis na maggayon an kamugtakan nin panahon suodma.
Marurumduman na na-stranded an mga turista asin baroto sa Calaguas Island huli sa nakataas na gale warning.
