Pinaagirumduman kan Department of Social Welfare and Development (DSWD) an publiko na mahigot na ipinagbabawal an pagpapabakal, pag-repack, asin dae awtorisadong pagheheras nin mga ready-to-eat food box asin iba pang relief items na pinapanao sa panahon kan disaster response operations.
Sigun ki Special Assistant to the Secretary Leo Quintilla, mahigot na ipinagbabawal an siring na gibuhon sa irarom kan Republic Act No. 10121 o mas bistado komo Philippine Disaster Risk Reduction and Management Act of 2010.
Magin an pagtatakop o pagtanggal nin opisyal na label kan DSWD, o pagtatao nin food supplies asin relief items sa mga taong dae man karapat-dapat na mag ako an pigkokonsiderar man na mga pagbalgar sa ley.
An ready-to-eat foods asin iba pang family food packs an pigtalaan sana para sa mga indibidwal asin pamilyang apektado kan mga kalamidad asin emerhensiya.
Sa irarom kan ley, posibleng makasuhan an sisay man na indibidwal o grupo na mabalgar digde
