Atrasado na an pagkapot sa target na sarong milyong paharong kada taon hasta 2028 sa irarom kan Pambansang Pabahay Para sa Pilipino (4PH) program kan administrasyon tanganing masimbagan an 6.5 million na socialized housing backlog.
Nagluwas ini sa budget deliberations kan Kamara sa P3.56 billion na prosopwestong pondo para sa Department of Human Settlement and Urban Development (DHSUD) asin attached agencies sa masunod na taon.
Sigun ki Navotas Rep. Tobias Renald “Toby” Tiangco, na iyong sponsor kan DHSUD budget, nasa labi 3.2 housing units an piglalaomang matatapos hasta 2028. Sa ngunyan soboot nasa 198,000 units an pigpapatindog asin labi 12,000 digdi an garantisong makukumpleto na. Katakod kaini, pinagtibay na sa plenaryo kan kamara an 2025 proposed budget para sa DHSUD.
Mientrastanto, inaprubaran na man sa plenaryo kan Kamara an proposed 2025 budget para sa iba pang ahensya kan gobierno.
Kabali digdi an P27.4 billion para sa Department of Foreign Affairs siringman an P35.19 billion na pondo para sa Commission on Elections, labi P157 million na pondo man para sa Games and Amusement Board asin P11.1 billion na pondo para sa Department of Agrarian Reform.
