Pigkumpirmar ni Roderick Dela Cruz an implementasyon kan panibagong langkaw sa pamasahe para sa pampublikong transportasyon, kasunod kan pag-aprobar kan Land Transportation Franchising and Regulatory Board (LTFRB), an ahensya na responsable sa siring na regulasyon.
Sa intrevesta kan Bombo Radyo Naga ki Roderick Dela Cruz na an mga kompanya asin operator kan bus pormal nang nag-aplay para sa langkaw kan pamasahe. Huli kaini, naglangkaw nin 300 pesos pataas an pamasahe sa mga special bus na nagbibiyahe hale sa Metro Manila.
Manungod sa mga lokal na ruta, ipinaliwanag kaini na naglangkaw man an pamasahe susog sa aprobadong fare matrix.
Kaipuhan an mga operator na magsunod sa mga ipinagboboot na mga pag-aayos kan pamasahe para sa enot na limang kilometro asin para sa mga masunod na kilometro kan pagbaklay.
Sinambit man ni Dela Cruz an daing ontok na paglangkaw kan presyo kan gasolina bilang pangenot na rason kan paglangkaw kan pamasahe. Nagpatanid siya na an epekto kan paglangkaw na ini posibleng mamatian sa mga presyo kan mga pundamental na barakalon asin iba pang mga paninda sa merkado.
Sa katapustapusi, nangapudan si Dela Cruz sa mga pasahero na magsunod asin magbayad nin tamang pamasahe, na pignotar na ini sarong opisyal na polisiya na inaprobaran kan gobyerno na pig-iimplementar sa irarom kan eksistidong regulasyon.
z
