Pagtalubo kan ekonomiya kan Pilipinas pwede na mag-abot sa anom sagkod pitong porsyento na target para sa taon na ini, alagad pwedeng ini an pwede na maibaba kan mga target na itinalaan para sa 2025 asin 2026 huli sa negatibong epekto kan mga nakaaging paglangkaw kan rate sa demand, sigun sa Bangko Sentral ng Pilipinas (BSP).
Sa August Monetary Policy Report, sinaysay kan BSP na an pagtalubo kan Gross Domestic Product (GDP) pwedeng magbaba sa 6.5 sagkod 7.5 porsyento asin 6.5 sagkod walong porsyento na target para sa 2025 asin 2026, sunod-sunod.
An ekonomiya nasa dalan man na magtalubo sa “near potential,” nin huli ta an kabilogan na balanse kan mga kondisyon kan demand asin suplay nagpahiling nin limitadong nakabase sa inflationary pangangaipo sa maabot na mga taon. Alagad, base sa mga estimasyon gikan sa Policy Analysis Model para sa Pilipinas (PAMPh) kan BSP, an output gap magdadanay na medyo negatibo sa 2024 asin 2025, na matapos sana sa 2026.
An pagpapauswag kan mga kondisyon kan merkado nin trabaho asin an padagos na pagtalubo kan pamumuhunan makakatabang man na suportaran an potensyal na output kan ekonomiya.
An pagtalubo sa pagigin produktibo nahihiling man na orog pang nag-ooswag huli sa nakakatabang an mga piggigibo para sa ekonomiya asin sa paggastos sa pagpatugdok sa imprastraktura. An mga pangenot na reporma pwede man na mapakusog an mga pamumuhunan asin aktibidad sa negosyo, na makakatabang na maparikas an potensyal na output kan nasyon.
Base sa pinakabagong datos gikan sa Philippine Statistics Authority, an ekonomiya nag-expand nin 6.3 porsyento kan ikaduwang kwarter, mas marikas kumpara sa 5.8 porsyento na pagtalubo kan nakaaging kwarter asin 4.3 porsyento kan nakaaging taon.
Mientrastanto, piglalaoman kan BSP na magdadanay na estable an global growth sa 2024 asin 2025 base sa mga forecast kan International Monetary Fund (IMF). An IMF naglalaom na an pankinaban na ekonomiya matalubo nin 3.2 porsyento sa 2024 asin 3.3 porsyento sa 2025.
