Nagpa-anggot sa mga kaalyado kan elehidong Presidente kan Estados Unidos na si Donald Trump an pag-aprobar ni Presidente kan Estados Unidos na si Joe Biden sa Ukraine na gumamit nin mga long-range missile sa pag’atake kaini sa Russia.
Alagad si Trump mismo dai na nagtaong komento sa isyu, marumrumduman na na an saro sa mga bagay na nakapanggana saiya sa eleksyon iyo an saiyang panuga na tapuson an gera.
An nagkapira sa mga harani ki Trump pigkondenar an lakdang na ini ni Biden, na inapod na ” dangerous escalation”.
Saro sainda si Donald Trump Jr., an matuang aki kan elehidong Presidente kan Estados Unidos kun saen pig-akusaran kaini si Biden na nagprobar na padaguson an WorldWar 3 antes pa man na magtukaw sa kapangyarihan an saiyang ama.
Mientrastanto, an desisyon ni Biden dae pa man pormal na pigkumpirmar kan White House dawa ngani enot na pigbareta na kinumpirmar ini kan mga opisyal kan Estados Unidos na pamilyar o nakakaaram kan desisyon ni Biden.
