Pigbatikos kan pirang lehislador an naging pahayag ni Vice President Sara Duterte na tiwala ining ma-a-absuwelto sa impeachment trial.
Sigun ki House Assistant Majority Leader Jay Khonghun asin Deputy Majority Leader Paolo Ortega, na dae mahahali kan kumpiyansa ni VP Sara Duterte an magagabat na patunay sa sala soboot an paggastos sa saiyang confidential funds.
Marurumdoman, sa Articles of Impeachment na pigsunad kontra ki VP Sara, pigastos kaini an P125 million-peso na kantidad kan confidential funds sa laog sana kan 11 aldaw kan 2022 kun saen mapakol sa labi 612 million pesos an kantidad kan confidential funds na ginamit ni VP Duterte.
Liwat tinawan-duon ni Ortega an mga peke o kahina-hinalang indibidwal sa pamemeke soboot kan mga transaksyon sa nasambitan ng pondo.
Nagpatanid man si Khonghun sa paggamit kan political alliance tanganing maimpluwensyahan an magiging resulta kan impeachment trial.
Dugang pa ni Ortega, bakong sarong political maneuver an impeachment, alagad sarong pagtataguyod sa Konstitusyon asin pagproteher sa pondo kan bayan.
