Ibinunyag kan Malakanyang na mayo sindang aram kun saen an kinamumugtakan ni Vice President Sara Duterte.
Sigun ki Palace Press Officer Claire Castro na an pinakahuring travel authorization na itinao sa Bise Presidente iyo an saiyang biyahe sa South Korea asin sa the Netherlands.
Alagad sinaysay ni Castro na igwa ining nakuang impormasyon na nagpaplano an Bise na magbiyahe sa Kuwait na kan nakalihis na mga semana an pig-anunsyar man ini ni Duterte.
Pighahalat pa kan Office of the President an request na travel authority na pigsumiter ni Duterte.
Marurumdumang kan nakalihis na Hulyo 28 kan mag-abot sa nasyon an Bise Presidente gikan sa biyahe kaini sa South Korea.
Kan nakalihis na Hulyo 29 hasta 31 an nasa Marinduque an si VP Duterte na nagheras nin mga relief goods sa mga naapektaran kan bagyo asin habagat.
