Pig-asegurar kan Malacañang kan Miyerkules na igwa nin supisyenteng suplay nin krudo an nasyon alagad maypa nin desisyon manungod sa posibleng pagsuspinde kan excise tax. Ini makalihis na malampasan kan presyo kan Dubai crude oil an $80-per-barrel na limitasyon.
Sa sarong press briefing, sinabi ni Palace Press Officer Claire Castro na an Development Budget Coordination Committee wara pa nin ipinapaluwas na rekomendasyon manungod sa pagsuspinde kan excise taxes sa mga produktong petrolyo.
Alagad, kan haputon kun igwa pa nin supisyenteng suplay nin krudo an nasyon, sinabi ni Castro na igwa
Sinabi kan Department of Energy na dai ninda nahihiling na magbaba an presyo kan krudo sa madaling panahon huli sa nagpapadagos na tensyon sa Middle East.
Sinabi ni Castro na an Unified Package for Livelihoods, Industry, Food, and Transport (UPLIFT) nagpapadagos pa man giraray. Dawa na mayo nin line item para sa UPLIFT sa 2026 budget, an pondo ipinapanao sa mga ahensya kun kinakaipuhan hale sa savings asin mga dai naimplementar na proyekto.
Sinabi kan Palace Press Officer na oras na magkaigwa nin rekomendasyon manungod sa excise tax, si Presidente Ferdinand “Bongbong” Marcos Jr. marikas na maghihiro manungod digdi.
