Hinali kan Palasyo an pagkahadit kan publiko katakod sa naireport na sarong Chinese national na nagpamalo-malo na Pilipino asin nagin parte pa kan Philippine Coast Guard Auxiliary (PCGA).
Sigun ki Palace Press Officer Claire Castro, pighali na sa serbisyo an nasambitan ng indibidwal asin presenteng pig-iimbestigaran.
Pigpaliwanag man ni Castro na an PCGA an sarong civilian volunteer organization na nagtatabang sa relief operations asin dae direktang parte kan operasyon kan Philippine Coast Guard (PCG).
Mayo man soboot access an mga miyembro kan PCGA sa barko, operasyon, o sensitibong impormasyon kan PCG.
Kasabay kaini, pigsierto man kan Palasyo na aktibong pigbabantayan kan National Security Council (NSC) an anuman na huma kan paniniktik o pang-eespiya kontra sa nasyon.
Alagad dae pigbuyagyag an gabos kan lakdang para sa seguridad, pigsierto kan ahensiya na marekas na naghihiro an mga ahensya kan gobierno tanganing hampangon an verified intelligence reports.
