Prangka nang sinabi kan Malacañang na kaipuhan kan banwaan an sarong lider kan Senado na dai nagsasabwag nin kariribukan.
Ini an ipinahayag ni Palace Press Officer Atty. Claire Castro sa tahaw kan ribok na babalyohon giraray kan senado an saindang lider.
Segun ki Castro, dae nakikiaram an Malacañang kun sisay an mapipili bilang Presidente kan Senado, alagad dapat suboot na isipon an kapakanan kan mga tawo asin bako sana para sa nagkapirang tawo. Dapat suboot na magtrabaho an mga senador para sa mga tawo asin bako para sa nagkapira sana.
Tinawan duon man kaini na mawot kan gabos na namamanwaan an sensitibong liderato, mayong nagkakampi, mayong patakasun na pugante, asin mayong mag-angat sa paagi kan fake news.
Dugang pa ni Castro, aram kan mga senador an saindang mandato kun kaya dapat sindang magin honesto, may integridad, mayong kulay asin imparcial.
