NAGA CITY- Maarangkada na sa banwaan kan Pili, Camarines Sur an palengke QR Code.
Sa entrevista kan Bombo Radyo Naga ki Pili Mayor Tom Bongalonta Jr, sinaysay kaini na an nasambitan ng programa an pigpabisto kan Central Bank gikan sa Bicol Region na kun saen obheto na magin cashless an anuman na transactions kan sarong tawo.
Sigun pa sa alkalde, sa paagi kan palengke QR code, pwedeng magbayad kan anuman na saimong babayadan siring kan pamasahe sa piglulunadan na pampublikong transportasyon, pagbakal sa merkado asin iba pa na mga paagi.
Dugang pa ni Bongalonta, hassle free asin mas marekas na an transakyon nin huli ta dae na kaipuhan pa na magdara nin cash.
Sa paagi kan pag-scan, makakabayad na an sarong indibidwal sa dapat na bayadan na dae ma-maproblema pa kan ibang mga concern.
Sa ngunyan, pigsierto man kan opisyal na padagos an saindang pagkriar nin mga programa na mkakatabang sa saindang mga nasasakupan.
