Gadan an sarong bistadong Palestinian journalist na si Hassan Aslih sa sarong airstrike na isinagibo kan Israel kan nakalihis na Martes (local time) sa Nasser Hospital sa Gaza, sigun sa Ministry of Health kan Gaza.
Si Aslih, na igwang ginatos na ribung tagasubaybay sa social media, an nagpaparahay gikan sa naenot kaining lugad kan tamaan kan kpanibagong pag-atake an nasambitan ng opistal.
Sigun sa Israel, parte soboot ni Aslih kan Hamas asin nakisumaro man soboot sa pag-atake kan taong-2023 alagad maduon ining pinahimutikan kan Hamas.
Sigun sa mga opisyal kan Gaza, saro pang pasyente an nagadan asin nagkapira pa an irido sa nasambitan ng pag-atake. Pigkumpirmar kan militar kan Israel kan tinarget ninda an mga pigkokonsiderar nindang “terorista” sa ospital.
Sa suhay na insidente, 16 man an binawian nin buhay asin 70 an irido makalihis na tamaan kan siyam na missile attack an Gaza European Hospital.
Pigtawn-duon kan Israel, igwang Hamas command center sa irarom kan ospital-bagay na pinahimutikan man kan Hamas.
Sigun sa grupo kan International Federation of Journalists, labi sa 160 na an nagadan na media workers sa Gaza puon kan magpuon an giyera, na maduon man na pinahimutikan kan Israel.
Mientrastanto, nag-abot na sa labi 52,000 an nagadan sa Gaza sigun sa local health officials, mantang padagos na naglala an humanitarian crisis dara kan nagpapadagos na sigalot sa rehiyon asin kakulangan sa suplay kan pagkakan.
