Nagpahayag nin paghandal an Pambansang Lakas ng Kilusang Mamamalakaya ng Pilipinas (PAMALAKAYA) sa mga isyu sa West Philippine Sea asin sa soboot operasyon kan PAX Silica sa mga coastal areas.
Sa intrevista kan bombo Radyo Naga kay Pando Hicap, Pamalakaya Pilipinas, President, importante na protehiran an deretso kan mga Pilipinong parasira sa West Philippine Sea asin maseguro an saindang ligtas asin libreng pagsira sa ibong kan nagpapadagos na tensyon sa lugar.
Kasabay kaini, nangapudan man an PAMALAKAYA sa gobyerno na lubos na pag-adalan an mga proyektong may kinaaraman sa pagmimina asin quarrying, kaiba na an operasyon kan PAX Silica huli sa posibleng epekto kaini sa kapalibutan asin kabuhayan kan mga komunidad sa baybayon.
Tinawang-duon kan grupo na an pagprotehir kan yamang kadagatan asin an karahayan kan mga parasira an dapat na unahon sa implementasyon kan mga programa asin proyekto kan gobyerno.
Inenkaminar man kan PAMALAKAYA an mga nanunungdan na ahensya na magkaigwa nin bukas na pakikipag-olay sa mga apektadong komunidad tanganing masimbagan an saindang mga agrangay asin maseguro na an arin man na proyekto nagsusunod sa mga eksistidong ley asin pamantayan sa pagprotehir kan kapalibutan.
