NAGA CITY-Pigheras kan pamayuhan kan Caroyroyan Pili Camarines Sur an mga paagi kun pano malabanan an korapsyon sa saidnang Brgy.
Sa entrevista kan Bombo Radyo Naga ki Jerry Canave (Barangay Captain, Caroyroyan, Pili, Camarines Sur), sinaysay kaini na pinapairal ninda an 4 pillars kabali na an Economic Development, Social Development, Infrastracture, asin Environment.
Sigun ki Canave, kun popokusan asin iimplementar an nasambitan ng mga 4 pillars, nagtutubod ining mayo nin mangyayaring korapsypn, ini huli ta nakakamit an pag uswag kan ekonomiya. Saro kaya sa soboot nagigin rason kan korapsyon iyo an labing kapobrehan.
An Economic Development kan sarong lugar dae natatao kan mga nakatukaw na opisyales kan gobyerno.
Sa parte man kan mga infrastructrure projects, kaya nagkakaigwa nin mga ghost asin substandard na proyekto huli ta an mga naggigiribo man sana kan mga ini iyo an mga tawong nasa likod.
Pag tinawanan na nin pondo, tangani makahaman nin sarong proyekto, digde nagkakaigwang aragawan huli ta gabos nagmamawot na sinda an mag implementar tangani makabwelo sa paggibong anomaliya.
Pag abot na man sa Social Development, kulang an pagkaaram kan mga yaon sa kapalibutan na parte dapat an gabos sa pagpa-uswag kan komunidad o sarong nasyon. Sigun ki Canave, sa huring pagresearch kaini, mayo pa man nin hiostorya nin pangungurakot sa saidnang lugar na kun saen labi man na pig orgulyo kan opisyal.
Sa ngunyan, naglalaom pa ini na dagusan nang mawakasan an nangyayaring mahewasang korapsyon sa nasyon orog na ta haros haralangkaw na opisyales kan gobyerno an imbweltong nagsasagibo kaini.
Naglalaom ining mag abot an aldaw na matrangkilo nang namumuhay an kada ordinaryong Pinoy.
