NAGA CITY- Pigtawan duon kan pamayuhan kan CEPPIO-Naga na an pagpadara nin tabang sa Catanduanes an pagpapahiling nin pakikisumaro kan siyudad sa panahon kan pagsakit na kawsa kan kalamidad.
Sa nagin paghampang sa mga kagawad kan media ni Allen Reondanga, pamayo kan CEPPIO-Naga, sinaysay kaini na dae pwedeng an Naga City maako sana nin tabang gikan sa ibang lokalidad alagad dae tatao magtabang sa ibang probinsiya na naapektaran man kan nakalihis na Bagyo.
Bako soboot magayon na mindset kan sarong tawo an pagkwestyon sa pagtaong tabang sa mga nangangaipuhan orog na ta kan panahon na mangaipuhan man an siyudad igwang tolos na naghiro asin nagtindog tanganing magtabang.
Sigun pa ki Reondanga, magigin panalmingan kun anong klase kan siyudad an Naga sa paagi kan pag-extend nin tabang sa iba.
Dugang pa kan opisyal, reciprocal gesture sa pagpapahiling kan pagkakasararo kan mga bikolano an pagtaong tabang sa panahon kan kadipisilan.
Sa ngunyan, pigsierto na sana ni Reondanga na maski an Naga nagbubuhat pa sana gikan sa panlalamasa ni Bagyong Kristine alagad preparadong magtaong tabang sa nangangaipuhan.
