NAGA CITY- Limitado sana an mga aktibidad na ikukundusir nin pamayuhan kan San Francisco sa siyudad nin Naga kasabay kan nararaning kapaskuhan.
Sa entrevista kan Bombo Radyo Naga ki Efren Nepomoceno, Barangay Kapitan kan nasambitan ng lugar, sinaysay kaini na huli sa pangapudan kan National Government na gibuhong simple an selebrasyon kan pasko ngunyan na taon komo pakikisumaro sa mga tinamaan kan sunod-sunod na bagyo, pigmawot kan saindang lado na gibuhon sanang simple man an saindang pagtiripon.
Sigun sa opisyal, makundisir an saindang lado nin pagtiripon ngunyan na aldaw nin Lunes, kun saen mananao nin limang kilo nin bagas, pancit, de lata sa saindang mga personahe.
An nasambitan ng aktibidad an komo pasasalamat sa saindang mga nakakatabang na mga personahe sa pagpapadalagan kan saindang barangay.
Dugang pa ni Nepomoceno, mas marhay na magfocus an mga tawo sa pinaka-mensahe kan Christmas celebration kaysa sa anupaman na mga materyal na bagay.
Mientrastanto, papahigutan man kan saindang konseho an pagbantay sa saindang lugar orog na sa mga magamit nin paputok asin pag-videoke nin huli ta igwa soboot pigsusunod na panundunan dapit digde.
Sa ngunyan, hagad na sana kaini an matuninong na pagselebrar kan pasko sa bilog na kinaban.
