NAGA CITY– Likay ngunian an pamilya ni Sen. Leila de Lima sa pagtataong impormasyon sa mga kagawad kan media katakod kan pagpuli kan opisyal
sa Camarines Sur nganeng bisitahon an naghehelang na ina.
Magigirumduman na kan nakaaging aldaw kan idinalagan sa NICC Doctor’s Hospital sa Naga City an 86-anyos na ina ni De Lima na si Norma Magistrado
De Lima huli suboot sa kritikal na kondisyon kan salud.
Pasado alas 4:30 nin pagkaaga kasubago kan magbyahe an Senador pasiring Camarines Sur.
Mientrastanto, diretso na ini sa ciudad nin Iriga huli ta nailuwas na an ina sa ospital asin nakapuli na saindang lugar.
Napag-araman na nasa 48 oras sana an itinaong panahon sa Senador para mahiling an ina asin makaibahan ini.
Apwera digdi, mahigot man an pigpapautob na seguridad kan kapulisan sa nasambitan ng pagluwas kan akusadong senador sa kulungan.
