NAGA CITY- Nakaabang na ngonyan an mga kaparyentes asin kababayan ni Bb. Pilipinas-Universe Rachel Peters, pirang oras antes koronahan an Miss Universe 2017 sa Planet Hollywood and Casino sa Las Vegas.
Antes pa man an pormal na pagpuon an Miss U coronation, haros pano na an harong kan pamilya Obregon sa ciudad nin Naga kun saen igwa nin free viewing hale sa mga tiyo asin tiya ni Rachel komo pagsuporta sa saindang pamangkin.
Sa entrevista kan Bombo Radyo Naga sa tiyuon ni Peters na si Mario Obregon, sinaysay kaini na gabos na mga kaparyentes asin mga pagtaraid nindang harong an presenteng nagdadalan ngonyan sa saindang harong para mahiling an magiging huring performance kan daraga sa kompetisyon.
Pigheras man ni Obregon na nabigla an saindang pamilya kan maaraman na nagbabale na sa mga pageant an 26-year old Filipina-British huli ta surupgon suboot ini poon pa kan aki.
Sa ngonyan, mensahe kaini sa saiyang pamangkin na mag-enjoy sana sa pageant huli ta ‘win or lose,’ si Rachel pa nanggad suboot an Miss Universe sa saindang mga puso.
