Pigbuyagyag ni Senator Risa Hontiveros an pang-aabuso kan mga sindikatong gikan sa China sa asylum process kan Pilipinas.
Sigun sa senadora, piglalapastangan kan mga Chinese nationals an ley—kasabwat pa soboot an pirang opisyal asin kawani kan pirang ahensya kan gobierno.
Dakol sa sainda imbwelto sa mga illegal activities o kaya man wanted sa China, asin ginagamit an Pilipinas komo taguan.
Ikinabigla ni Hontiveros na sa ibong kan gabat kan mga kasong kinahampang kan mga ini, marekas pa man sindang nakakakua nin proteksyon sa paagi kan asylum.
Kaibahan sa tinukdo kaini si Lin Xiangqian, na nadakop kan immigration kan December 3 asin imbwelto sa illegal online gambling sa China; sarong Ms. Wang na nagdispalko kan 97 million renminbi kan 2017; asin sarong Mr. Yin, sarong illegal casino operator na naarestar kan 2024.
Sa ibong kaini, nakakua soboot sindang tolo nin asylum na labi karekas.
Pangapudan ni Hontiveros an tolos na imbestigasyon tanganing matukoy kung siisay an nagpabaya o nagkita sa iligal na proseso.
