Liwat nagbungkaras an panibagong wildfire sa sa Los Angeles, California. An nasambitan ng kasulo an marekas man napugulan kan mga otoridad.
An brush fire an nairehistro sa Ventura County, kun saen pig-apod nind ining ‘Auto Fire.’
Nag-abot an kasulo sa 55.7 ektarya makalihis na ma-contain kan mga bumbero an kalayo asin dagusang naapula.
Alagad huli sa wala-tuong kasulo, nagluwas man an National Weather Service (NWS) nin panibagong air quality alert, kun saen sakop kaini an South Coast air basin kabali an gabos nin Orange County asin iba pang parte kan LA, Riverside asin San Bernardino counties asin Coachella Valley. Ini an kawsa na man kan nakakapinsalang antas kan alpog asin abo na pigdara na kan duros pasiring sa residential area. Mahaloy an warning hasta atyan nin pagkabanggi.
Pigpagirumdoman an mga residente sa apektadong mga lugar na likayan an outdoor activities asin mantiniron na nakasarado an mga bintana asin pintuan kan saindang harong asin behikulo.
