Mabagsik an nagin panlalamasa kan Hurricane Milton sa Florida, USA.
Huli kaini, nawaran nin suplay kan kuryente sa nasambitan ng lugar na kun saen enot ining nag-landfall harani sa Siesta Key kasuudma, (Miyerkules nin bangi sa US).
Basado sa inisyal na report na pigpaluwas kan US-based group na PowerOutage.us, mayong supply nin kuryente an labi 1.6 million power consumer sa bilog na Florida.
Posible man soboot malobo pa an nasambitan ng numero mantang padagos na naapektaran an mga transmission lines, asin mga power infrastracture sa bilog na estado.
Sa enot na abiso kan US government, nagpakol sa 9 feet hasta 13 feet an storm surge o daluyong.Makalihis an pag-landfall kan bagyong Milton, taglay pa man giraray kaini an duros na nagpapakol sa 110 mph asin maximum sustained winds na mapakol man sa 96-110 mph.
Nakaeksperyensiya man nin an dakulang parte kan Florida nin puon 3 hasta limang pulgada na uran kada oras.
