Diretsahang sinimbag ni Paolo Contis an hapot dapit sa pakikipag-ayos kaini sa saiyang mga aki.
Nangyari ini sa press preview kan pelikulang Ang Happy Homes ni Diane Hilario na showing na sa mga sinehan sa Dec. 3.
Nagkaigwa na muna nin press preview na pigkundusir sa SM Aura kan nakalihis na Biyernes, asin pig omaw an paglatag kan storya, orog na an acting kan mga artista na pinangenutan ni Angeline Quinto, kaiba sinda Eugene Domingo, Paolo Contis, Luis Alandy, Sherry Lara, asin Richard Yap.
Makalihis an screening, saro si Paolo sa naghamapang sa entertainment media.
Asin hinapot kun ano an ‘happy home’ para sa saiya.
Para sa aktor an happy home iyo an home na mayong problema.
Dae na soboot importante kun magkairibahan sinda kan mga aki sa sarong harong, an importante nasa puso ini kan aktor
Alagad sa presente, dae pa masasabing kumpleto an kaogmahan kaini huli ta igwa pa ining pigpapakarhay.
Dugang pa kan aktor, an ano pa man na nagyayari sa saiyang personal na buhay, mas nagkakanigo na pribado ining pig aayos.
