Dakula an pagtubod ni Senator Sherwin Gatchalian na paparekason kan mahigot na koordinasyon kan Local Government units (LGUs) asin Department of Education an pagpapatindog kan classrooms.
Inihayag ini Gatchalian makalihis na pirmahan kan DepEd asin lokal na gobyerno an sarong memorandum of agreement kun saen nakasaysay an pagpapautob kan sarong nationwide classroom building program.
Sigun ki Gatchalian, naaayon an bagong kasunduan sa 2026 national budget na pigtutugotan an DepEd na maggamit nin manlaen-laen na paagi sa pagpapatindog nin mga classrooms.
Sa irarom kan 2026 national budget, pwedeng laugon kan DepEd an kasunduan sa mga LGUs, civil society organization, non-governmental organization, asin Armed Forces of the Philippines (AFP) Corps of Engineers.
Dugang pa kan Senador na importanteng lakdang an pakikipagtabangan sa mga LGUs tanganing makapagpatindog pa nin mas kadakol na mga classrooms.
Kun sabay sabay soboot na magpatindog an mga lokal na gobyerno, mas kadakol na mapapakinabangang mga classrooms asin padikit-dikit na mapapaoan an kakulangan sa mga pasilidad.
Nagpakol sa P65.9 bilyon an pigtagama sa irarom kan 2026 national budget para sa pagpapatindog, pagriribay, asin pagkumpleto kan mga school buildings para sa kindergarten, elementary, asin high school, kaibahan an mga technical-vocational laboratories.
