NAGA CITY – Irido an sarong parasira makalihis pagsasaksakun kan saiyang kainuman sa Purok 1, Brgy Sula, Vinzons, Camarines Norte.
Binisto an biktima na si Edmund Lopez, 35 anyos.
Sa nagunong impormasyon kan Bombo Radyo Naga napag-araman na nag-iinuman sinda Lopez asin an suspek na si Jojo Ponayo , 44 anyos kan bigla ining magkaigwa nin dae pagkakasinabutan na napuli sa pananaksak kan suspetsado sa biktima.
Huli digdi, nagsapo nin lugad sa saiyang lawas an biktima na tulos idinalagan sa ospital.
Makalihis an insidente, tulos na nagsuko sa Brgy kagawad an suspek na tulos naman dinara sa VINZONS-PNP para sa maninigong disposisyon.
Sa ngunyan, nagpapadagos an imbestigasyon kan mga otoridad katakod ka nasambitan na insidente.
