NAGA CITY – Gadan an sarong parasira makalihis aksidenteng masabugan soboot nin improvised explosive na ginamit sa pagsisira sa kadagatang sakop kan Garchitorena, CamSur.
Binisto an biktima na si Jeffrey Revira, 31-anyos.
Sa nakuang impormasyon kan Bombo Radyo Naga sa Camarines Sur Police Provincal Office (CSSPO), napag-araman na base sa mga pahayag kan ama kan biktima, naghali an saiyang aki para maglawod sa Sibanban Island sa Barangay Denrica kaibanan an sarong binisto sana sa apod na “Taba”.
Alagad, gadan na soboot kan naibalik an biktima na pigtutubudang nasabugan kan pigagamit kaining pampasabog.
Sa ngunian, padagos pa an imbestigasiyon kan mga otoridad dapit sa nasambitan ng insidente.
